Mae’r sector gwasanaethau busnes yn cydnabod y buddion sy’n gysylltiedig â defnyddio technoleg Cwmwl, yn enwedig wrth i’r hyblygrwydd cynyddol arwain at gynhyrchiant gwell sydd yn ei dro yn arwain at arbed amser a chost i gleientiaid.
Mewn arolwg busnes diweddar a wnaed gan Antur Teifi, nodwyd band eang gwael ymysg un o’r pump prif rhwystr i dwf i fusnesau.
Cyn hir, diolch i Brosiect Cymru Cyflym BT a Llywodraeth Cymru, bydd hyn yn rhywbeth sy’n perthyn i’r gorffennol. Mae 482,000 o gartrefi a busnesau yng Nghymru bellach â mynediad i fand eang cyflym iawn.
Mae Telemat TG yn credu y dylai cwmnïau feddwl o ddifrif am sut y byddant yn manteisio ar y cynnydd sylweddol mewn cyflymder band eang a fydd ar gael iddynt yn y dyfodol agos.
Gall gysylltiad band eang cyflym a mwy dibynadwy cyflwyno llu o fanteision i’ch busnes, gan gynnwys arbed amser ac arian trwy
- Cynyddu cynhyrchiant
- Arbed arian
- Cynyddu effeithlonrwydd
- Cael gwared ar ffiniau
- Cynyddu a chadw teyrngarwch
- Cynyddu elw
- Sicrhau’r gwasanaeth diweddara
- Gwell gwasanaeth i gwsmeriaid
- Diogelu eich asedau
- Helpu’r amgylchedd
Mae un peth yn sicr – bydd cystadleuwyr yn defnyddio grym band eang cyflym i ddadansoddi data o’r farchnad ac yn defnyddio’r wybodaeth i ddatblygu ffyrdd newydd o wasanaethu cwsmeriaid a gwerthu iddynt. Mae angen i fusnesau fod yn effro i’r posibiliadau er mwyn sicrhau eu bod yn ennill, yn hytrach na cholli tir.
Un cwmni sydd wedi gweld manteision y symudiad hwn trwy weithio law-yn llaw á Telemat yw Wynne and Co. – cwmni cyfrifwyr yng Nghaerfyrddin . Mae’r cyfarwyddwr Sarah Wynne wedi gallu trosglwyddo’r arbedion ariannol – a ddeilliodd o gynyddu effeithlonrwydd – i gleientiaid.
I gael rhagor o fanylion am y ffordd y mae cwmnïau eraill wedi elwa o’r gwasanaeth hwn yn ogystal â holl wasanaethau eraill TG eraill, ewch i wefan Telemat.
Ar ran Busnes Cymru, mae Antur Teifi yn trefnu cyfres o weithdai wedi’u cynllunio i roi gwybodaeth i fusnesau ar sut i fanteisio ar y cyfleoedd a ddaw o’r technolegau diweddaraf. Bydd yna gyfle hefyd i gael cyngor arbenigol ar sut i fwrw ymlaen â’ch cynlluniau.
