LLWYDDIANT I SIOP DROS DRO wrth symud i safle mwy o faint a chefnogi mwy o fusnesau.

Mae Gofod Masnachu Antur Cymru yn Aberystwyth wedi symud i’r hen swyddfa bost

Mae Gofod Masnachu Antur Cymru yn Aberystwyth wedi symud i’r hen swyddfa bost ar Stryd y Porth Mawr ac erbyn hyn yn gartref i hyd at 20 o fasnachwyr annibynnol.

Yn rhan o raglen arloesol Sgiliau Newydd Dechrau Newydd – menter gan Lywodraeth y DU wedi’i hariannu trwy’r gronfa Adfywiad Cymunedol dan arweiniad Cyngor Sir Ceredigion – mae’r safle eisoes wedi profi’n boblogaidd gyda chwsmeriaid. Yn dilyn arddangosfa diweddar i ddathlu cynnydd y fenter yn ystod y flwyddyn ddiwethaf, cynhaliwyd marchnad Nadolig brysur iawn yno dros y penwythnos.

Gyda chyllid pellach yn 2023 mae Rheolwr y Prosiect, Julie Morgan, yn hyderus y bydd y safle’n parhau i weithredu’n ganolfan ar gyfer nifer o grefftwyr yn cynnwys Hannah Jones Earrings, Queer Little Shop ar gyfer nwyddau LHDTC+, Ray of Light, Becws Welsh Bakes, Wishing Well Crystals, Otter and Oak Illustration, a Carys Doyle Ceramics.

Rheolwr y Prosiect, Julie Morgan
Rheolwr y Prosiect, Julie Morgan

Mae hi’n falch iawn o’r tîm a’r ffordd y gwnaethant godi hyder masnachwyr yn y fenter trwy gynnal sesiynau hyfforddi ac arweiniad un-am-un, trefnu cyflwyniadau a gweithdai ysgogi a hwyluso 31 o gwmnïau newydd cynaliadwy, moesegol yn y siop.

“Yn bwysicach na dim ry’ ni wedi codi hyder yr entrepreneuriaid y gwneuthurwyr a’r cynhyrchwyr a rhoi platfform iddynt fedru arddangos eu gallu,” meddai Julie.

“Roeddem yno i osod y sylfaen ac mae wedi bod yn galonogol iawn i weld cymaint ohonyn nhw’n adeiladu ar y sylfaen honno trwy godi eu proffilau eu hunain tra, ar yr un pryd, gynnig rhywle newydd i ymweld ag ef i bobl Aberystwyth.

“Mae’r fenter wedi derbyn cryn dipyn o adborth cadarnhaol ac wedi dod â bywyd newydd i’r rhan hon o’r dref.”

Mae’r croeso y derbyniodd y prosiect wedi creu argraff ar ardaloedd eraill o Gymru a’r gobaith yw ei gyflwyno i siroedd eraill yn y dyfodol.

“Ry ni wedi dysgu llawer eleni a bydd hyn yn cryfhau ein gallu i gynnig datrysiadau a gwybodaeth ar gyfer mentrau tebyg mewn rhannau eraill o Gymru yn ystod 2023,” meddai Julie.

Trading Space Aberystwyth
LLWYDDIANT I SIOP DROS DRO wrth symud i safle mwy

“Mae mân-werthwyr wedi eu cael hi’n anodd a nifer fawr wedi gorfod cau. Ond, ry’ ni wedi dangos, trwy gydweithio a meddwl yn greadigol, fod yna ddyfodol i’r stryd fawr.

“Mae hyn yn bwysicach nag erioed yn yr hinsawdd economeg sydd ohoni ac mae’n dangos pa mor hanfodol yw hi i gefnogi busnesau bach a busnesau newydd trwy roi cymorth ariannol a chefnogaeth iddynt. Fel ry’ ni eisoes wedi gweld, maent yn chwarae rhan fawr yn y gwaith o adfywio trefi fel Aberystwyth.”

Am ragor o wybodaeth ewch i’r wefan www.anturcymru.org.uk/entrepreneurship/new-skills-new-start neu ebostiwch [email protected].

Mae hon yn fenter gan Lywodraeth y DU wedi’i hariannu trwy’r gronfa Adfywiad Cymunedol y DU ar gyfer 2021/22.  Ei nod yw cefnogi’r pobl a’r cymunedau mwyaf anghenus ar draws y DU i dreialu rhaglenni a dulliau newydd i baratoi ar gyfer Cronfa Ffyniant Gyffredin y DU. Mae’n canolbwyntio ar sgiliau, cymuned a lle, busnesau lleol, a chefnogi pobl i mewn i gyflogaeth. Am ragor o wybodaeth ewch i https://www.gov.uk/government/publications/uk-community-renewal-fund- prospectus.

What's your reaction?
0Cool0Bad0Lol0Sad

Menter gymdeithasol yw Menter Antur Cymru sy’n gweithio i ddiwallu anghenion cymunedau yng Nghymru trwy gefnogi busnesau newydd yn ogystal â thwf busnesau bach a mawr sy’n ffynnu.  Mae’n cynnig cyngor busnes i fusnesau rhanbarthol a lleol, cymunedau gwledig a chymunedau busnes canol trefi.

Contact us

T: 01239 710 238
E: [email protected]

A: Parc Busnes Antur Teifi, Aberarad, Castell Newydd Emlyn, Sir Gâr, SA38 9DB

Cymraeg logo

AncoraThemes © 2025. All Rights Reserved.

Antur Cymru is a trading style of Antur Teifi | Antur Teifi is a registered society under the Co-operative and Community Benefit Societies Act 2014 Registered in Wales | © Antur Teifi | Reg. No. IP23194R | VAT No. GB 485 2427 30 | Website by Design Reaction