Mae cyfrifiadura cwmwl yn addo hyblygrwydd, effeithlonrwydd ac arbedion costau.
Gall gynnig ystod o fanteision i fusnesau:
- Rheoli dogfennau: mae modd cael mynediad at ddogfennau o bob math, dogfennau wedi eu rhannu, eu golygu ac wedi’u dosbarthu waeth beth yw maint y ffeil neu leoliad y defnyddiwr – hanfodol mewn byd symudol.
- Cyllidau symlach: mae modd cael mynediad, diweddaru a rhannu data cyllidol gyda chyfrifwyr, ta waeth am y lleoliad neu’r amser.
- Marchnata modern: gall eich gwefan elwa drwy ychwanegu cynnwys llawn nodweddion, aml-gyfrwng, wedi’i integreiddio’n llawn gyda strategaeth cyfryngau cymdeithasol a chyswllt cwsmeriaid aml-sianel.
- Rheoli pobl: systemau adnoddau dynol canolog, storio gwybodaeth gyfrinachol yn ddiogel a mynediad awdurdodedig yn creu amgylchedd gweithio mwy hyblyg a diogel.
- Cwsmeriaid bodlon: storio data cwsmeriaid yn ddiogel, rhyngweithio a thracio archebion mewn amser real, mynediad ar unwaith at statws yr archeb, a hyd yn oed pyrth sy’n galluogi cwsmeriaid i reoli eu trafodion, sy’n ychwanegu at y math o brofiad mae’r mwyafrif ohonom yn ei ddisgwyl yn yr hinsawdd ddigidol sydd ohoni heddiw.
- Rheoli prosiectau’n well: gall band eang cyflym iawn gael effaith aruthrol ar gydweithrediad rhwng cydweithwyr unigol a gyda phartneriaid busnes sy’n gweithio ar brosiectau penodol, gan alluogi rhannu asedau’n fwy effeithlon, cyfathrebu amser real a mynediad cyffredinol at ddogfennaeth wedi’u diweddaru.
- Cyfathrebu clyfrach: mae cyfathrebu unol yn cynnwys llais traddodiadol, sianelau symudol, fideo a data – mae gan bob un ohonynt eu manteision i weddu amgylchiadau gwahanol, ac arbed amser a chostau cyfarfodydd.
I gael gwybod rhagor ac i lawrlwytho canllaw am ddim at Gwmwl ewch i https://business.wales.gov.uk/superfastbusinesswales/cloud-computing
