Mae Llywodraeth Cymru wedi lansio cronfa o £ 400,000 i gefnogi’r defnydd o’r Gymraeg i fusnesau bach â’r nod o helpu busnesau bach a chanolig i wella ar eu defnydd o’r iaith. Amcan y gronfa yw i gynyddu amlygrwydd yr iaith Gymraeg yn y gymuned. Bydd y prosiect hefyd yn cynyddu dealltwriaeth a gwneud y mwyaf o gyfleoedd i gryfhau gwasanaethau dwyieithog i gwsmeriaid. Bydd yr arian yn cael ei ddyrannu i sefydlu rhwydwaith o ymarferwyr lleol i ddarparu cymorth iaith Gymraeg i fusnesau.
Mae’r fenter hon yn dod yn sgil cyfres o weithdai a drefnwyd gan Antur Teifi yn 2015 ar ran Busnes Cymru o’r enw “Deall manteision o ddefnyddio’r iaith Gymraeg mewn busnes.” a baratowyd yn benodol ar gyfer busnesau Dyffryn Teifi gan fusnes o Dyffryn Teifi ac un o arweinwyr y farchnad ymgynghoraieth yn Ewrop sef Iaith Cyf. Paratowyd deunydd ar eu cyfer er mwyn i fusneau gael y budd mwyaf o’r fantais hon a oedd yn cynnwys:
- cyfathrebu â chwsmeriaid
- cryfhau’r USP (pwynt gwerthu unigryw)
- hyrwyddo teyrngarwch cwsmeriaid
- darparu cyfleoedd i werthu mewn marchnadoedd newydd
- nodi parch a dealltwriaeth o ddiwylliant yr ardal
- dangos ymrwymiad i gydraddoldeb
Cynhaliwyd y seminarau ym mhrif drefi Dyffryn Teifi – Aberteifi, Llanbedr Pont Steffan, Castell Newydd Emlyn a Llandysul – sesiynau a arweiniodd at well dealltwriaeth o’r deinamig creadigol a rhagweithiol sy’n gyffredin o fewn cymunedau Cymraeg eu hiaith ag â arweiniodd yn ei dro at ddeffroad a / neu gryfhau yr awydd ar bawb a fynychodd i chwarae eu rhan yn y gwaith.
Mae Kate McDermott yn berchen ar siop Ruby Rose yn Llanbedr Pont Steffan ac yr oedd y sesiwn yn agoriad llygad iddi. Meddai “Roedd y seminar yn ysbrydoledig ac yn llawn gwybodaeth. Rwyf eisoes wedi cael ffrind gyfieithu arwydd newydd a neithiwr wnes i lawrlwytho app dysgu Cymraeg Prifysgol Bangor i ddechrau ar fy siwrne o ddysgu Cymraeg felly mae wedi cael effaith yn barod “.
LLUN: Kate McDermott
