Sefydlodd Carman Yates Fusion yn Aberteifi yn 2017 gyda chefnogaeth Antur Cymru a Busnes Cymru. Datblygwyd hen dafarn a oedd bellach wedi’i chau yn fwyty a bar cyfoes, gan gynnig  y gorau sydd gan fwyd Asiaidd i’w gynnig gydag amrywiaeth eang o brydau cartref wedi’u hysbrydoli gan ryseitiau teuluol clasurol o Hong Kong.

Mae’r fwydlen hefyd yn cynnig prydau bwyd Coreaidd, Thai a Japaneeg wedi’u paratoi gan y teulu sy’n cefnogi Ching Man Yates (adwaenir fel Carman); entrepreneur ifanc benywaidd a mam, a benderfynodd symud i Orllewin Cymru o Gaerdydd i sefydlu’r bwyty.

Roedd y gefnogaeth gan Busnes Cymru yn cynnwys:

• Delwedd a diwyg y fwydlen.
• Strategaethau prisio.
• Cefnogaeth o ran deddfwriaeth a hylendid bwyd.
• Cefnogaeth gyda dyluniad y brand.
• Cynllunio presenoldeb ar y Cyfryngau Cymdeithasol.
• Cynllunio busnes.

Mae Fusion (Aberteifi) yn cynnig ystod eang o gynnyrch lleol o Gymru, gan ddarparu cyfuniad o’r rhyngwladol a’r lleol.

Er bod siaradwyr Cymraeg rhugl yn rhan o’r tîm, derbyniodd Carman gyngor gan Gomisiynydd y Gymraeg i sicrhau bod yr iaith wedi’i hintegreiddio’n llawn yn y gwasanaeth, nodwedd bwysig yn y gymuned leol.